Борчылудан ничек туктарга? – белгеч җавабы

Психолог, коуч Гөлшат Сафина җавап бирә:

– Ромашка яки бөтнек чәйләре тынычландыра ала, ләкин, билгеле, проблеманы хәл итми. Моңа өстәп, аз булса да физик күнегүләр ясасаң, якыннарың белән аралашсаң, хис-кичерешләр көндәлеге алып барсаң яки психологка мөрәҗәгать итсәң, тагын да яхшырак. Табигатьтә йөрү дә киеренкелекне бетерү һәм кәефне яхшырту өчен файдалы булырга мөмкин.

Иң мөһиме – озак кына бертуктаусыз рәвештә хафалану «корт»ы кимерә икән, «Әй, бу проблема түгел, үтәр әле», – дип, кул селтәмәскә кирәк. Үз хисләребезне үзебез аңлау, аларны кабул итү, тән саулыгыбыз гына түгел, ә рухи сәламәтлегебез турында да кайгырту – һәрберебезнең изге гамәле.

Сүз уңаеннан, хәзерге вакытта Татарстанда «Озын һәм актив гомер» илкүләм проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!