27 март 2026 Яңалыклар

Депутат «Пушкин картасы» номиналын 20 мең сумга кадәр арттырырга тәкъдим итте

Россиядә мәдәни чараларга бәяләр үсешен компенсацияләү өчен «Пушкин картасы» номиналын 5 меңнән 20 мең сумга кадәр арттырырга кирәк. Дәүләт Думасы депутаты Сергей Миронов шундый фикере белән уртаклашты.

«Карта номиналын 20 мең сумга кадәр арттырырга кирәк. Дүрт тапкыр индексацияләү театрлар, музейлар һәм кинога билет бәяләре үсешен киметергә мөмкинлек бирәчәк», – диде Миронов ТАСС агентлыгы белән әңгәмәсендә.

Ул билгеләп үткәнчә, Пушкин картасы программасы 2021 елдан гамәлдә, һәм аның параметрлары шул вакыттан бирле яңадан каралмаган. Моннан тыш, парламентарий акчаны куллану механизмын үзгәртергә кирәк дип саный.

«Һәр шәһәрдә дә яшьләрне кызыксындыра торган мәдәни чаралар даими рәвештә узмый. Димәк, яшьләр Россия буенча сәфәрләр вакытында сарыф итә алсын өчен, «Пушкин картасы» акчаларын куллану срогы чикләнмәгән булырга тиеш», – дип сүзен төгәлләде Миронов.

Сүз уңаеннан, хәзерге вакытта Татарстанда «Яшьләр һәм балалар» илкүләм проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект " , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет"