Депутатлар ял көннәрендә реклама шалтыратуларын тыярга тәкъдим итте

Тиешле мөрәҗәгать Федераль монополиягә каршы хезмәт җитәкчесе Максим Шаскольскийга җибәрелгән, дип хәбәр итә РИА Новости.

Чиклүләр массакүләм, автомат рәвештәге һәм башка тавыш реклама мөрәҗәгатьләренә дә кагылырга тиеш.

Парламентарийлар гамәлдәге нормалар ял һәм бәйрәмнәрдә реклама шалтыратулары өчен махсус режим күздә тотмый дип саный. Шул ук вакытта реклама алуга алдан ризалык бирү турындагы таләп, алар фикеренчә, проблеманы хәл итми, чөнки мондый ризалык еш кына килешүләргә, анкеталарга, гаризаларга һәм сайтлардагы формаларга беркетелә, ә аларда реклама контактлары өчен рөхсәт ителгән көннәр һәм вакыт аерым билгеләнми.

Мөрәҗәгать авторлары фикеренчә, тәкъдим ителгән чикләүләрне кертү ял һәм бәйрәм көннәрендә кирәкмәгән реклама шалтыратуларын киметергә мөмкинлек бирәчәк.

БЕЗНЕҢ МАКС КАНАЛЫНА ЯЗЫЛЫГЫЗ!