Җиде бәхет: 5 балалы гаиләдә игезәкләр туган

Чаллыда 5 балалы ана игезәк кызлар тапкан – хәзер аларның гаиләсендә барлыгы 7 бала бар. Бу хакта «Челнинские известия» хәбәр итте.

Гаиләдәге иң олы кызга 12 яшь.

Хатын Кама балалар медицина үзәгендә бәбиләгән. Хастаханәнең матбугат хезмәте белешмәсе буенча, хәзер бу гаиләдә 6 кыз һәм 1 малай бар.

Игезәкләр 37 атнада туган. Алар 2230 һәм 2300 грамм авырлыкта, хәзер яңа туган сабыйлар реанимациясендә яталар. Нарасыйларның хәле стабиль, аларны бераз вакыт хастаханәдә күзәтеп торачаклар, диелә хәбәрдә.