15 октябрь 2026 Яңалыклар

Казан белән Шанхай арасында йөк авиаэлемтәсе ачылды

China Eastern Airlines компаниясе Казан-Шанхай маршруты буенча даими йөк авиаэлемтәсе ачты. Бу хакта ТР Сәнәгать һәм сәүдә министрлыгы матбугат хезмәтенә сылтама белән «Татар-информ» хәбәр итә.

Рейслар киң фюзеляжлы һава суднолары ярдәмендә атнага өч тапкыр – чәршәмбе, җомга һәм якшәмбе көннәрендә башкарыла, дип аңлаттылар ведомствода.

Шул ук вакытта, йөкләрне Шанхай аша Кытай шәһәрләренә дә, бөтен дөнья буйлап авиакомпаниянең маршрут челтәре буенча да җибәрергә мөмкин. Авиакомпаниянең маршрутлар географиясе киң: Токио, Сеул һәм Гонконгтан алып Сингапур, Дәһли һәм Каһирәгә кадәр.

Әлеге маршрутны ачу «Халыкара кооперация һәм экспорт» илкүләм проекты максатларына ирешергә ярдәм итә. Россия илкүләм проектлары - җәмгыять тормышының төп өлкәләрен үстерүгә юнәлдерелгән масштаблы дәүләт программалары ул. Алар РФ Президенты Владимир Путин тарафыннан расланган илкүләм максатларга ирешүдә һәм 2030 елга кадәр исәпләнгән илнең социаль-икътисади үсеш стратегиясен гамәлгә ашыруда төп алымнарның берсе булып тора.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",СВО, эвакуированные, эвакуируемые, донбасс, днр, лнр , донецк , луга