25 сентябрь 2026 Яңалыклар

Казанда Урта Кабан яр буенда термаль комплекс төзергә планлаштыралар

Казанда Урта Кабан күле яр буенда 1,5 млрд сумлык акватермаль комплекс төзергә планлаштыралар. Проектны ТР Рәисе Рөстәм Миңнеханов җитәкчелегендәге Татарстан Инвестицион советы хуплады, дип яза «татар-информ».

«Объект Урта Кабан күле яр буенда төзәлергә тиеш. Безнең милектә ике җир кишәрлеге бар. Өстәмә рәвештә инвестиция проекты кысаларында тагын җир сорыйбыз. Тирә-яктагы территорияне төзекләндерергә, матур парк зонасы булдырырга тәкъдим итәбез», - дип сөйләде журналистларга «Дель-Транс-Агро» генераль директоры урынбасары, проект җитәкчесе Алексей Сучков.

Комплексның үзенчәлекләренең берсе – ял зонасы беренче яр сызыгында урнашачак. Инвесторның идеясе буенча, термаль комплекста ял итүчеләр парк территориясендә дә йөри алачак.

Инвестор билгеләп үткәнчә, объект дүрт-биш елдан да иртәрәк барлыкка килмәячәк. Техник документацияне әзерләүгә ике ел чамасы вакыт кирәк булачак.

Сүз уңаеннан, хәзерге вакытта «Яшәү өчен инфраструктура» илкүләм проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",