27 апрель 2026 Яңалыклар

Күп балалы гаиләләргә мәктәп формасын бушлай бирергә тәкъдим иттеләр

Дәүләт Думасының гаиләне яклау, ата, ана һәм балалар мәсьәләләре комитеты рәисенең беренче урынбасары, «Аналар советы» рәисе Татьяна Буцкая күп балалы гаиләләргә чыгымнарны өлешчә генә каплый торган төбәк компенсациясе урынына мәктәп формасын бушлай бирергә тәкъдим итте. Бу хакта «РИА Новости»га сылтама белән «Татар-информ» хәбәр итә.

Россиядә мәктәп формасына өлешчә компенсация алырга мөмкин, әмма түләүләр суммасы һәм адресатлар һәр субъектта аерыла. Төбәкләр аны алу өчен критерийларны үзләре билгели: беренче сыйныф укучыларына, күпбалалы яки аз керемле гаиләләргә һәм башкалар.

Буцкая билгеләп үткәнчә, укучыларны исемле форма белән тәэмин итү дөрес карар булыр иде. Бер төбәктә күп балалы гаиләләрдәге укучылар өчен түләү 2,5 мең сум тәшкил итә, икенчесендә – 12 мең сум. Шул рәвешле, кемдер күлмәк белән пиджак кына сатып ала ала, ә кемдер – тулы комплект, дип аңлатты парламентарий.

Ул шулай ук мәктәп формасы җитештерүчеләренә ярдәм итү өчен дәүләт тарафыннан 2026 елда 100 млн сум, 2027 елда – шулай ук 100 млн сум бүлеп биреләчәген әйтте. Бу Россия җитештерүчеләренә дә ярдәм булыр иде, дип йомгаклады Буцкая.

Сүз уңаеннан, хәзерге вакытта Татарстанда «Гаилә» илкүләм проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект " , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет"