27 апрель 2026 Яңалыклар

Мәскәүдә Рөстәм Миңнеханов Россия авыл хуҗалыгы күзәтчелеге җитәкчесе белән очрашты

Бүген Татарстан Рәисе Рөстәм Миңнеханов Ветеринария һәм фитосанитария күзәтчелеге буенча федераль хезмәт җитәкчесе Сергей Данкверт белән очрашты. Бу хакта ТР Рәисе матбугат хезмәте хәбәр итә.

Исегезгә төшерәбез, Рөстәм Миңнеханов бүген Мәскәүдә эш сәфәрендә.

Очрашуда ветеринария күзәтчелеге өлкәсендә алга таба үзара хезмәттәшлек, төбәктә җитештерелгән продукциянең куркынычсызлыгы һәм сыйфатын контрольдә тоту буенча хезмәттәшлек мәсьәләләре каралды.

Очрашу барышында Рөстәм Миңнеханов Сергей Данквертка республиканың дәүләт бүләге – «Татарстан Республикасы алдындагы казанышлары өчен» орденын тапшырды.

Бүләк «Татарстан Республикасы агросәнәгате комплексын үстерүдә хезмәттәшлек һәм аерым казанышлары өчен» дигән сүзләр белән тапшырылды.

Сүз уңаеннан, хәзерге вакытта «Технологик яктан азык-төлек куркынычсызлыгын тәэмин итү» илкүләм проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!

минниханов, миңнеханов, Рөстәм Миңнеханов, Татарстан Рәисе, раис, "нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",