25 сентябрь 2026 Яңалыклар

Октябрь башыннан ерак араларга йөрүче поездларда юл хакы якынча 10%ка арта

Агымдагы елның 1 октябреннән ерак араларга йөрүче поездларның социаль әһәмияткә ия вагоннарында юл хакы 9,2%ка артачак. Россия Хөкүмәтенең тиешле карарына Россия Премьер-министры Михаил Мишустин июль аенда ук кул куйган иде.

Әлеге күләмдә тиз йөрешле һәм пассажир поездларының плацкарт, гомуми һәм утыру урыннары булган вагоннарында юл йөрү бәясе индексацияләнәчәк.

Автоматик рәвештә бәяләрнең артуы купе һәм СВ вагоннарындагы билетларга кагылмаячак, чөнки аларның бәясе динамик бәяләү кысаларында билгеләнә. Ул ихтыяҗга, сезонга, атна көненә һәм буш урыннар санына бәйле.

Соңгы елларда плацкарт һәм гомуми вагоннарда юл йөрү тарифлары берничә тапкыр күтәрелде. 2022 елда алар гыйнварда 4,3%ка һәм октябрьдә 6,5%ка, 2023 елда – гыйнварда 8,1%ка һәм декабрьдә 10,75%ка, 2024 елда – декабрьдә 11,6%ка, 2025 елда – тагын 11,6%ка, ә 2026 елда – гыйнварда ук 11,4%ка арттырылган иде.

Үз чиратында, тимер юл аша йөк ташу тарифлары 1 октябрьдән 8,5%ка индексацияләнәчәк.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",