Путин: «АСЕАН илләре хезмәттәшлекне ныгытырга тели»

Казанда Россия – АСЕАН саммиты дустанә һәм эшлекле мохиттә уза, ул хезмәттәшлекне үстерүдә якларның үзара кызыксынуын раслап күрсәтте. Бу хакта Россия Президенты Владимир Путин матбугат конференциясендә әйтте.

Дәүләт башлыгы сүзләренә караганда, саммит эшендә ассоциациядә катнашучы барлык 11 илнең башлыклары, Хөкүмәт җитәкчеләре һәм югары дәрәҗәдәге вәкилләре катнашкан. «Без чыннан да яхшы һәм нәтиҗәле эшли алдык», – диде Россия Президенты.

Владимир Путин әйтүенчә, катнашучыларның киң вәкиллеге Россиянең һәм Көньяк-Көнчыгыш Азия дәүләтләренең күпьеллык дуслык традицияләренә һәм хезмәттәшлек тәҗрибәсенә нигезләнгән үзара файдалы партнерлыкны алга таба үстерергә омтылуын раслый.

Дәүләт башлыгы саммит нәтиҗәләре буенча Казан декларациясе кабул ителүен хәбәр итте, анда киләчәктә Россия һәм АСЕАН илләре арасындагы хезмәттәшлекнең стратегик юнәлешләре билгеләнгән. Моннан тыш, очрашуда катнашучылар сәясәт һәм куркынычсызлык, сәүдә һәм инвестицияләр өлкәсендә, шулай ук мәдәни һәм гуманитар өлкәләрдә хезмәттәшлекне ныгыту буенча тәгаен чараларны күздә тоткан Россия — АСЕАН гамәлләр планын раслаган.

Сүз уңаеннан, хәзерге вакытта Татарстанда «Нәтиҗәле конкурентлыкка сәләтле икътисад» илкүләм проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",СВО, эвакуированные, эвакуируемые, донбасс, днр, лнр , донецк , луга