Россиялеләр дөньяның 86 иленә виза рәсмиләштермичә бара ала

«Россиялеләр дөньяның 86 иленә виза рәсмиләштермичә бара ала. Алар арасында: Бразилия, Вьетнам, Кытай, Мальдив утраулары, Марокко, Сербия, Таиланд, Төркия, Көньяк Африка Республикасы һ.б. Тагын 38 илгә россиялеләр гадиләштерелгән системасы буенча керә ала. Алар арасында: Мисыр, Һиндстан, Индонезия, Камбоджа, Кения, Мексика, Танзания, Көньяк Корея һәм башкалар», – дип хәбәр итте аналитиклар.

Якын чит илләрдән Абхазия, Көньяк Осетия, Казахстан, Әрмәнстан, Азәрбайҗан, Белоруссия, Грузия, Үзбәкстан, Таҗикстан һәм Кыргызстанга визасыз барып була. Якын Көнчыгышта Катар, Иордания, Ливан, Берләшкән Гарәп Әмирлекләре, Оман һәм Палестинага бара ала, ә 2026 елның 11 маеннан бу исемлеккә Согуд Гарәбстаны да өстәлә.

Азиядә визасыз режим, аерым алганда, Монголия, Лаос, Малайзия, Бруней, Мьянма һәм Филиппиннар белән гамәлдә. Шри-Ланкага бару өчен электрон рөхсәт кирәк булачак. Африкада Ангола, Ботсвана, Гамбия, Зимбабве, Маврикий, Намибия, Тунис, Сейшел һәм башка илләр кебек юнәлешләр ачык.

Америка континентында россиялеләр визасыз Аргентина, Боливия, Венесуэла, Доминикана, Колумбия, Куба, Перу, Чили һәм Ямайка, шулай ук кайбер утрау дәүләтләрендә бара ала. Европада – Босния һәм Герцеговина, Черногория.

Гадиләштерелгән керү схемасы, инде аталган илләрдән тыш, Израиль, Бангладеш, Албания, Алжир, Бахрейн, Күвәйт, Гыйрак, Иран (туроператорлар аша) һәм Пакистан, шулай ук Африка һәм Азиянең кайбер дәүләтләрендә гамәлдә.

Сүз уңаеннан, хәзерге вакытта Татарстанда «Туристлык һәм кунакчыллык» илкүләм проекты проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!