25 сентябрь 2026 Яңалыклар

Рөстәм Миңнеханов «Мактаулы машина төзүче» исеменә лаек булды

Татарстан Рәисе Рөстәм Миңнеханов Россия Сәнәгать һәм сәүдә министрлыгының ведомство бүләге – «Мактаулы машина төзүче» исеменә лаек булды. Әлеге исемне тапшыру тантанасы Чаллыда Машина төзүчеләр көнен бәйрәм итү кысаларында узды, дип хәбәр итә республика җитәкчесенең матбугат хезмәтенә сылтама белән «Татар-информ».

Җыелган халык алдында Россия сәнәгать һәм сәүдә министры урынбасары Алексей Матушанский чыгыш ясады. Үз чыгышында ул Россиянең машина төзелеше комплексының тотрыклы үсештә булуын һәм илнең сәнәгать җитештерүенең биштән берен тәшкил итүен ассызыклады, шуннан соң бер төркем ведомство бүләкләрен тапшырды. Ул Татарстан Рәисенә төбәк җитәкчесе лаек булган исемнең күкрәк билгесен тапшырды.

Моңа кадәр Рөстәм Миңнеханов үзе Татарстанның машина төзелеше тармагының атказанган хезмәткәрләренә бер төркем дәүләт бүләкләрен тапшырды, шулай ук махсус хәрби операциядә аерылып торган катнашучыларны бүләкләде.

БЕЗНЕҢ МАКС КАНАЛЫНА ЯЗЫЛЫГЫЗ!

минниханов, миңнеханов, «милли проектлар», «национальный проект», «Профессионалитет», илкүләм проект, Илкүләм проектлар, милли проект, нацпроект,