Рәис Рөстәм Миңнеханов социаль объектларга җылылык җибәрүне башларга кушты. Җылыту сезоны темасына республика җитәкчесе ТР Хөкүмәте Йортында узган киңәшмәдә кагылды.
«Бүген инде бар көчкә җылы бирергә кирәк, бигрәк тә социаль объектларга. Ихтимал, җылылык җибәрү процессында стандарт булмаган хәлләр килеп чыгарга мөмкин, шуңа күрә процедураны хәзер үк башларга кирәк ", - диде ул.
Рәис шулай ук соңгы 14 көндә халыктан җылылык бирүне сорап хәбәрләр саны артуына игътибарны юнәлтте.
"Узган ике атнада социаль челтәрләрдә фатирларга һәм социаль объектларга җылылык бирү үтенечләре белән хәбәрләре саны 4 тапкырга артты", - дип билгеләп үтте Миңнеханов, җылыту сезоны башлану өчен вакыт җитте дип ассызыклады.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез