Синоптиклар татарстанлыларны көчле җил чыгу ихтималы турында кисәтә

Татарстан Гидрометеорология үзәге һава шартларының начарлануы турында кисәтә. Бүген кич һәм иртәгә көндез республикада тизлеге секундына 15-17 метрга җитәчәк көчле җил көтелә.

Шул ук вакытта бүгенгә явым-төшем фаразланмый. Иртәгә, 31 августта, республика районнарына көнбатыш антициклоны йогынты ясаячак. Бу көннәрдә явым-төшем ихтималы аз, төнлә температура + 5.. +10 градус, көндез +15.. +21 градус җылы булачак.

Алдан фаразлауларынча, җомга, 1 сентябрь, һәм шимбә, 2 сентябрьдә шундый ук һава торышы саклана. Көндезен һава 18-23 градуска кадәр җылыначак.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!