04 сентябрь 2026 Яңалыклар

Татарстан эшкә урнашу өчен Россиянең иң перспективалы төбәге исемен алды

Татарстан 2026 елның беренче яртыеллыгы йомгаклары буенча эшкә урнашу өчен Россиянең иң перспективалы төбәкләре рейтингында беренче урынны алды.

Лидерлар өчлегенә шулай ук Башкортстан һәм Амур өлкәсе кергән, дип күренә hh.ru рейтингыннан. Әлеге рейтинг РИА Новости карамагында бар, дип яза агентлыкка сылтама белән «Татар-информ».

Татарстанда уртача хезмәт хакы 81,4 мең сум тәшкил иткән, ә эшсезлек дәрәҗәсе – 1,7 процент. Шул ук вакытта республикадан эш эзләүчеләрнең 10,8 проценты гына башка төбәкләрдә эшкә урнашу мөмкинлеген караган.

Икенче урынны Башкортстан алды. Республикада тәкъдим ителә торган уртача хезмәт хакы 80,4 мең сумга җитте, ә эшсезлек дәрәҗәсе 1,6 процент тәшкил итә.

Өченче урында – Амур өлкәсе. Өч лидер төбәк арасында анда эшсезлекнең иң түбән дәрәҗәсе теркәлгән – 1,2 процент. Медиан хезмәт хакы шул ук вакытта 97,6 мең сум тәшкил иткән – Татарстан һәм Башкортстанга караганда күбрәк.

Россиянең эшкә урнашу өчен иң перспективалы биш төбәгенә шулай ук Калуга өлкәсе һәм Санкт-Петербург кергән. Мәскәү тугызынчы урында урнашты.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект " , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет"