Татарстанда яңа атна яңгыр һәм яшен белән башланачак

Һаваның максималь температурасы 24 градус тәшкил итәчәк.

Татарстанда яңа атна яңгыр белән башланачак, аерым районнарда яшен һәм боз көтелә. Җил төньяк-көнчыгыштан төньяк-көнбатышка 5-10 м/с, урыны белән кыска вакытлы көчәюләр 14 м/с, яшен вакытында 15-20 м/с булырга мөмкин. Бу хакта республиканың Гидрометүзәге синоптиклары хәбәр итә.

Төнлә минималь һава температурасы +6..+11 градус, көнбатыш районнарда +15 градуска кадәр. Көндез һаваның максималь температурасы +19..+24 булачак дип фаразлый синоптиклар.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!