31 август 2026 Яңалыклар

«Зәкят» хәйрия фонды «Мәктәпкә җыенырга ярдәм ит» акциясенә кушылды

Татарстанның аз керемле һәм күп балалы 70 гаиләсендә тәрбияләнүче 150 укучы Казанда узган шәһәркүләм Мәүлид бәйрәмендә Белем көненә мәктәп кирәк-яраклары салынган букчалар алды. Шуларның 20се – беренче сыйныфка баручылар, ә 130ы – башлангыч һәм өлкән сыйныф укучылары, дип хәбәр итә Бөтендөнья татар конгрессы матбугат хезмәтенә сылтама белән «Татар-информ».

Аларга бүләкләрне Татарстан мөселманнары Диния нәзарәтенең «Зәкят» хәйрия фонды тапшырды. «Мәктәпкә җыенырга ярдәм ит» акциясе унберенче мәртәбә уздырыла һәм анда Казаннан гына түгел, Татарстанның башкалага якын районнарыннан да балалар катнаша.

Мәктәп букчаларына, гадәттәгечә, канцелярия товарлары, дәфтәрләр, хезмәт, рәсем сәнгате дәресләре өчен җыелмалар һ.б. тутырылган. Букчалар һәм канцелярия товарлары битараф булмаган кешеләр акчасына сатып алынган.

Сүз уңаеннан, хәзерге вакытта Татарстанда «Яшьләр һәм балалар» илкүләм проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",СВО, эвакуированные, эвакуируемые, донбасс, днр, лнр , донецк , луга