Пермь университетында атыш вакытында һәлак булучылар саны сигезгә җитте, дип хәбәр итә Россия тикшерү комитеты.
Тикшерүчеләр мәгълүматларына караганда, зыян күрүчеләр саны да арткан — 19 кеше.
Әлеге вакыйга буенча җинаять эше кузгатылган, тикшерү белән Тикшерү комитетының үзәк аппараты шөгыльләнәчәк. Россия Тикшерү комитеты рәисе Александр Бастрыкин шундый йөкләмә биргән.