Мәрхүмәне бәкедән бер километр чамасы ераклыкта тапканнар.
19 гыйнварда Кач ману бәйрәме көнендә бәкегә төшеп батып үлгән хатынның мәетен 9 көннән соң тапканнар. Бу хакта SHOT Телеграм-каналы хәбәр итә.
Фаҗига булган көнне хатын гаиләсе һәм танышлары белән Выра авылында дача арендага алган була. Мунчадан соң алар бәкедә су коенып алырга ниятлиләр. Хатын кинәт суга сикерә һәм кире чыкмый, аны көчле агым боз астына алып китә. Аның ике баласы ятим кала.
