Бу атнада төнлә – 4-9, көндез 8-14 градус җылы булыр дип көтелә.
Татарстанда 5, 6 һәм 7 октябрь көннәрендә яңгырлар явачак. Җил секундына 15-16 метрга кадәр җитәчәк, дип хәбәр итә республиканың Гидрометеорология үзәге.
Фаразлар буенча, 8 октябрьдә урыны белән кыска вакытлы яңгырлар көтелә. Атна ахырына атмосфера басымы арту белән, явым-төшем дә туктый. Көндез 11-16 градуска кадәр җылы булыр дип көтелә. Көчле җилләр атна ахырында да саклана.
