Синоптиклар һава торышындагы кискен үзгәрешләр турында кисәтә

Пәнҗешәмбе көнне Татарстан территориясендә кабат һава торышы начараюы көтелә. Бу хакта Татарстан Гидрометеорология үзәге хәбәр итә.

Республика буенча томан, бозлавык, шулай ук җепшек кар һәм бозлы яңгыр фаразлана. Синоптиклар кисәтүенчә, төнлә явым-төшем көчәячәк.

Төнлә дә, көндез дә һава температурасы 0дә -5 градуска кадәр.

Моңа кадәр һава торышы кискен начарлану сәбәпле, шторм кисәтүе игълан ителде.


Фикер өстәү