Россия Хезмәт һәм социаль яклау министрлыгының рәсми Телеграм-каналында пенсионерлар өчен күңелле генә хәбәр урнаштырылган. Мәгълүм булганча, өлкәннәр яңа елга зур күләмдә акчага исәп тота ала.
Эш шунда: гыйнвар пенсиясе банк карталарына инде декабрь ахырында ук киләчәк. Гыйнварда ялларның күп булуына бәйле бу. Шулай итеп, 2023 елның беренче ае пенсиясен инде декабрьдә үк тоту мөмкинлеге пәйда булачак. Моннан тыш 1 гыйнвардан пенсияләрнең артуын да искә төшереп үтик. Миллионнарча пенсионерның акчасы күбәячәк, дигән сүз.
