Узган елдан мобилизациянең икенче дулкыны белән бәйле сөйләшүләр тынмый. Россия Генштабы вәкилләре бу мәсьәлә буенча рәсми җавап бирде.
Россия Кораллы көчләре Генштабының Баш оештыру-мобилизация идарәсе башлыгы Владимир Цимлянскийның контр-адмиралы мәгълүматлары буенча, мобилизациянең икенче дулкынын игълан итү планлаштырылмый, дип хәбәр итә Lenta.ru.
— Хәрби хезмәткә чакырылучылар, шулай ук операциядә катнашырга теләк белдергән гражданнар йөкләнгән бурычларны үтәү өчен җитәрлек, — дип аңлатты Цимлянский язгы чакырылышка багышланган брифинг кысаларында.
Владимир Путин запастагы хәрби хезмәткәрләрне хәрби җыеннарга чакыру турында указга кул куйган
Моңа кадәр дәүләт башлыгы Владимир Путин запаста булган россиялеләрне хәрби җыеннарга чакыру турындагы указга кул куйды. Закон 10 майдан гамәлдә.
