Быел алты айда Россиядә яшәүче 992 мең гаилә ана капиталыннан файдаланган. Россия Хөкүмәте вице-премьеры Татьяна Голикова сүзләренә караганда, ел башыннан бирле әлеге түләүне 6,2 млн кеше рәсмиләштергән.
Вице-премьер әйтүенчә, ана капиталын торак шартларын яхшыртуга кулланучылар 3,1 трлн сум акчаны ипотека түләүгә тоткан. «Ана капиталы гамәлдә булган елларны гомумән алсак, аның 69 проценты торак шартларын яхшыртуга юнәлдерелгән», – ди Голикова.
Шулай ук күпләр ана капиталын белем алуга тота. Татьяна Голикова әйтүенчә, бу акчаны укуга тотучыларның 70 проценты Санкт-Петербург, Краснодар һәм Казандагы уку йортларын сайлый.
Сүз уңаеннан, хәзерге вакытта Татарстанда “Гаилә” илкүләм проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез