16 ноябрь 2025 Яңалыклар

Авыл хуҗалыгы ярминкәләрендә 792 миллион сумлык азык-төлек сатылган

Татарстанда сигез атна дәвамында авыл хуҗалыгы ярминкәләрендә республика халкы 792,5 миллион сумлык товар сатып алган.

Иң күбе яшелчәләр – барлыгы 5,7 мең тонна сатылган. Бәрәңге иң күп сатылганнар рәтеннән: аны 3,5 мең тонна сатып алганнар. Популярлык буенча икенче урында ит ризыклары - аларны 646,6 тонна сатканнар, аның яртысыннан артыгын сыер ите тәшкил итә. Өчлекне шикәр комы йомгаклый: анысы 577,8 тонна сатылган.

Шулай ук татарстанлылар 181 тоннага якын сөт һәм 1,2 миллионнан артык тавык йомыркасы сатып алган.

Республика авыл хуҗалыгы министрлыгы матбугат хезмәте хәбәр итүенчә, авыл хуҗалыгы ярминкәләре 28 декабрьгә кадәр дәвам итәчәк.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

" нацпроект " , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет"