"Читлек кебек кенә бит бу" – Татарстанда бик кечкенә фатирлар төзүне тыймакчылар

Федераль дәрәҗәдә бу җәһәттән тәкъдим әзерлиләр.

Бу көннәрдә Казанда “Төзелеш” халыкара күргәзмәсе уза. Анда Татарстан төзелеш, архитектура һәм торак-коммуналь хуҗалык министры урынбасары Илшат Гыймаев билгеләп үткәнчә, республикада фатирларының мәйданы 28 квадрат метрдан кимрәк булган йортлар төзүне тыярга мөмкиннәр.

Министр урынбасары әйтүенчә, хәзерге вакытта Россия Төзелеш һәм торак-коммуналь хуҗалык министрлыгы федераль дәрәҗәдә шундый тәкъдим әзерли һәм Татарстанның төзелеш оешмалары кабул ителгән карарга буйсыначак.
Исегезгә төшерәбез: Мәскәү илдә беренчеләрдән булып бик кечкенә фатирлар төзүне тыйды.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!