04 гыйнвар 2026 Яңалыклар

Депутат бәйрәм көннәрендә такси хезмәтләренә бәяләр артуны гаделсезлек дип атады

Дәүләт Думасының контроль комитеты рәисенең беренче урынбасары Дмитрий Гусев бәйрәм көннәрендә такси хезмәтләренә бәяләр артуга чик бусагасын билгеләү инициативасы белән чыкты. Парламентарий фикеренчә, сәфәрләргә бәяләр үсеше стандарт тарифлардан 20 проценттан артмаска тиеш. Бу хакта «ТАСС» хәбәр итә, дип яза «Татар-информ».

Депутат базардагы вазгыятьне гаделсез дип атады, күрсәтелә торган хезмәтләрнең сыйфаты яхшырмаса да, агрегаторлар һәм машина йөртүчеләр гадәттәгедән ике-өч тапкыр күбрәк акча эшләргә омтыла. Яңа ел чорында ихтыяҗ арта, бәяләр дә шуңа үсә: күп кенә гражданнар спиртлы эчемлекләр куллану аркасында шәхси автомобильләрдән баш тарта.

Әмма, парламентарий фикеренчә, бу тарифларны арттыру өчен нигез була алмый, һәм дәүләт пассажирларның мәнфәгатьләрен яклау өчен бәяләр үсү чиген билгеләргә тиеш.

Сүз уңаеннан, хәзерге вакытта «Нәтиҗәле конкурентлыкка сәләтле икътисад» илкүләм проекты гамәлгә ашырыла.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",