05 декабрь 2025 Яңалыклар

Депутатлар укытучыларның оклады ике минималь хезмәт хакыннан да ким булмаска тиешлеген әйтте

Дәүләт Думасының депутатлар төркеме укытучылар окладының база ставкасын төбәктә гамәлдә булган минималь хезмәт хакының икеләтә күләменнән дә ким булмаган дәрәҗәдә билгеләү турында инициатива кертте. Шул хактагы проект бәяләмә алу өчен Хөкүмәткә тапшырылган, дип хәбәр итә «Татар-информ» РИА Новости агентлыгына сылтама белән.

Документта билгеләп үтелгәнчә, дәүләт һәм муниципаль мәктәпләрдә эшләүче педагогларның хезмәт хакы билгеләнгән педагогик йөкләнеш нормасын үтәгәндә лаеклы керем дәрәҗәсен тәэмин итәргә тиеш.

Инициатива авторларының берсе әйтүенчә, бүгенге ставка укытучыларга лаеклы хезмәт хакы алырга мөмкинлек бирми, шуңа күрә алар артык йөкләнеш алырга мәҗбүр, бу исә профессиональ януга һәм эштән китүгә китерә. Депутатлар педагогик эшчәнлекнең абруен күтәрү, балаларга белем һәм тәрбия бирүдә укытучыларга тиешле шартлар тәэмин итү кирәклеген искәртә.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",