12 июнь 2026 Яңалыклар

Фәрит Мөхәммәтшин «Балалар илне ясый» республика балалар иҗади конкурсы җиңүчеләрен бүләкләде

Бүген Татарстан Милли китапханәсендә «Балалар илне ясый» 20нче республика балалар иҗади конкурсы җиңүчеләрен бүләкләделәр. Тантанада «Бердәм Россия» партиясенең төбәк бүлеге секретаре, ТР Дәүләт Советының Мактаулы Рәисе Фәрит Мөхәммәтшин катнашты. Бу хакта «Бердәм Россия» ТР төбәк бүлегенең матбугат хезмәте хәбәр итә.

Сәясәтче барлык катнашучыларны Россия көне белән котлады һәм һәр остазның укучыларны әлеге конкурска җәлеп итүгә керткән өлешен билгеләп үтте. «Бу конкурс ярдәмендә без балаларыбызның тәрбияле, җаваплы һәм үз илләрен яратучы патриотлар икәненә инандык. Алар – безнең киләчәгебез. Алар бик талантлы һәм тырыш. Болар барысы да сезнең хезмәт, сезнең казаныш!» – диде ул.

Фәрит Мөхәммәтшин фикеренчә, «Бердәм Россия» партиясе гамәлгә куйган әлеге проект төрле милләт һәм төрле яшьтәге, «төрле уку йортларыннан һәм районнардан» булган балаларны берләштерә.

«Конкурс балалар белән мондый эшнең кирәк булуын тагын бер кат раслады. Балалар үзләренең бурычын аңлый, аларның эшләрендә мәгънәләр, образлар күп. Быел Россия халыклары бердәмлеге елына багышланган номинация дә бар. Татарстанда туган телләрне, милли мәдәниятләрне саклау өчен барлык шартлар да бар», – дип билгеләп үтте ТР Дәүләт Советының Мактаулы Рәисе.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект " , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет"