Габделфәт Сафин «игезәген» тапкан (ВИДЕО)

Җырчы Габделфәт Сафинның Уфага гастрольләре вакытында бер кызык хәл булган.  Анда аны  “игезәге” белән таныштырганнар.

Җырчыга бик тә охшаган ирен сәхнәгә алып менгән ханым:

– Безнең авылда минем иремне “Сафин” дип йөртәләр, туган-тумачалар да шулай, ди. Ә белмәгән кешеләр, үтеп барганын күрсәләр: “Габделфәт Сафин бит бу”, - дип, туктап калалар. Шуңа сезнең концертыгызга килдек. Икегезнең арагызга басып, истәлеккә фотога төшәсем килә, – ди, Данис исемле “игезәкнең” хатыны.

Габделфәт Сафин да югалып калмый, үзененә бик нык охшаган ир белән кочаклашып күрешкәннән соң яшен сорый. Аның: “54”, – дип җавап бирүенә: “О мин дә 54тә, әйе”, – дип шаярта. Чынлыкта аңа 62 яшь.

– Минем яшь бара, бөтен Россия буйлап аны гына җибәрәм хәзер. Молодец, Данис Сафин, – дип тамашачысын көлдерә Габделфәт.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!