Газ кертү өчен 100 мең сумга кадәр субсидия алырга мөмкин

Бу хакта «Татар-информ»да узган матбугат конференциясендә Татарстан сәнәгать һәм сәүдә министры урынбасары Марат Миңнебаев хәбәр итте, дип яза хәбәрче Александр Хевронин.

Дәүләт ярдәменә Бөек Ватан сугышы ветераннары һәм инвалидлары, сугышчан хәрәкәтләр инвалидлары, шулай ук I һәм II төркем инвалидлар, күпбалалы гаиләләр, инвалид бала тәрбияләүче гаиләләр яки шундый баланы караучы затлар, махсус хәрби операциядә катнашучыларның гаиләләре һәм җан башына кереме 19 мең сумнан кимрәк булган гаиләләр исәп тота ала.

Компенсация бары тик газ үткәргәннән соң һәм башкарылган эшләрнең бәясен күрсәтеп, актлар күрсәтелгәндә, шулай ук җиһаз сатып алу турында чеклар күрсәтелгәннән соң гына алынырга мөмкин.

Сүз уңаеннан, хәзерге вакытта “Яшәү өчен инфраструктура” илкүләм проекты гамәлгә ашырыла.
 

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!