– Бу – четерекле мәсьәлә. Моңа кадәр аерым сыйныф җитәкчеләре кую буенча тәҗрибәләрнең булганы бар иде инде. Әмма укытудан аерылып, сыйныф җитәкчесе генә булу үзен аклап бетермәде. Миңа калса, сыйныф җитәкчесенең дәрес укытканда дәрәҗәсе күбрәк булачак. Кемдер балаларны ашханәгә алып төшә, алып менә... Монысы – бер. Икенчедән, кадрлар кытлыгы бар. Моның кадәр укытучыларны каян алырга? Бу мөмкин түгел. Сыйныф җитәкчесе барлык укучыларның холкын белеп бетерергә тиеш. Без әлеге теманы өйрәнәбез, – диде Илсур Һадиуллин.
Министр сыйныф җитәкчесе булуның зур җаваплылык икәнен ассызыклады. «Өстәмә түләүләр булса да, күпләр аннан баш тарта. Мәшәкате дә күп. Әти-әниләр белән дә уртак тел табарга кирәк», – диде ул.
Сүз уңаеннан, хәзерге вакытта Татарстанда «Яшьләр һәм балалар» илкүләм проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез