26 март 2026 Яңалыклар

Коткаручылар кисәтә: бозга чыгарга ярамый!

Калынлыгы 7 санитиметрдан да кимрәк булган бозга кергән өчен 2 мең сум штраф салалар. Бу хакта «Татар Информ»да узган очрашуда Россия Гадәттән тыш хәлләр министрлыгының Татарстан буенча Баш идарәсенең су объектларында кешеләр куркынычсызлыгы бүлеге башлыгы Регина Гаязова сөйләде.

– Көннәр җылы тору сәбәпле, боз өстенә керү тыела. Юридик затларга 5-7 мең сум, вазыйфаи затларга 50-70 мең сум штраф салыначак. Җиһазландырылмаган боз кичүләре аша чыгучы транспорт хуҗаларына 400 мең сумга кадәр акчасыннан колак кагарга туры килмәгәе, – ди Регина Гаязова. – Бозга керергә ярамый дип торсак та, тыңламаучылар байтак. Шушы көннәрдә Тәтеш районында дүрт ир-атны коткарырга туры килде. Шөкер, барысы да исән сау. Аларны да нәзек бозга кергән өчен 2 мең сум күләмендә штраф көтә.

Коткаручылар язгы чорда аеруча уяу булырга киңәш итә. Балыкчылар да әлегә сулыкларга кермәсен иде, ди алар. Республиканың төрле районнарында 10 урында коткару постлары эшли.

– Татарстандагы 4 мең елганың барысына да коткаручы куеп бетереп булмый. Шуңа күрә һәркем үз гомерен сакласын, җаваплы булсын иде, – ди Регина Гаязова.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",