Песков: Путинга Мах аша балалардан сораулар күп килә

Россия Президенты Владимир Путин белән туры элемтәгә Мах аша мөрәҗәгатьләр күп килә. Алар арасында балалардан килгәннәре дә шактый. Бу хакта Илшбашының матбугат секретаре Дмитрий Песков әйткән.

«Әлеге мессенджер аша сораулар күп килә. Бу видео да, башкасы да. Яшь буын, хәтта балалар арасында “Мах”тан файдаланучылар саны күп булуы игътибарны җәлеп итә», – дигән ул.

Дмитрий Песков әлеге сораулар туры элемтә барышында чагылыш табачагына да ышаныч белдергән. «Быел мөрәҗәгатьләр саны аеруча да күп», – дигән ул.

Исегезгә төшерәбез, Россия Президенты Владимир Путин белән туры элемтә һәм зур матбугат конференциясе 19 декабрьдә узачак.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!