Чемпионатның төп максаты - махсус хәрби операциядә катнашучыларны комплекслы тернәкләндерүне тәэмин итү, яңа һөнәрләр һәм белгечлекләр үзләштерүгә ярдәм итү. Чемпионат Казанда 25-29 июль көннәрендә уза. Ул 400дән артык кешене берләштерә - бу катнашучылар, экспертлар һәм озатып йөрүчеләр.
Рөстәм Миңнеханов һәм Анна Цивилева экспертлар һәм конкурсантлар белән аралаштылар. Ярышлар программасына барлыгы 15 дисциплина кертелгән, шул исәптән веб-эшләнмә (программалаштыру), автомобильләрне ремонтлау һәм аларга хезмәт күрсәтү, слесарьлык эше, сәнәгать робот техникасы, эретеп ябыштыру технологияләре һ.б. ярышлардан тыш, катнашучылар өчен һөнәри юнәлеш бирү мастер-класслары да әзерләнгән.
Татарстан Рәисе билгеләп үткәнчә, республикада МХОдә катнашучыларга, аерым алганда, ветераннарны эшкә урнаштыру мәсьәләләренә зур игътибар бирелә. Ул «Абилимпикс» чемпионаты МХОдә һәр катнашучыга үз потенциалын ачарга һәм яңа күнекмәләр алырга мөмкинлек бирәчәгенә ышаныч белдерде.
Ярышлар нәтиҗәләре буенча Казанда 75 финалист сайлап алыначак, алар быел октябрь аенда Мәскәүдә узачак «Абилимпикс» илкүләм чемпионаты финалында үз осталыкларын күрсәтәчәк.
Сүз уңаеннан, хәзерге вакытта Татарстанда “Һәр кешегә сәламәтлек” төбәк проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез