Республика мәктәпләрендә, балаларның ОРВИ һәм грипп белән авыруы сәбәпле, 93 сыйныфны карантинга япканнар. Роспотребнадзорның Татарстандагы идарәсе җитәкчесе урынбасары Любовь Авдонина “Татар-информ” хәбәрчесенә шул хакта сөйләп үткән.
“Быел 1 сентябрьдән мәгариф оешмаларында, тән температурасы күтәрелү, ОРВИ билгеләренә ия булу сәбәпле, 5 024 бала дәресләргә кертелмәде”, – дигән ул.
Авдонина әйтүенчә, хәзерге вакытта 93 сыйныф (2 083 бала) карантинда утыра. Мондый сыйныфларның күпчелеге – Казанда.
Ведомство җитәкчесе урынбасары искә төшереп үткәнчә, балаларның 20 проценты һәм аннан күбрәге чирләгән очракта, сыйныф карантинга җибәрелә. Карантин гадәттә җиде көннән ун көнгә кадәр дәвам итә.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез