Татарстанда яңгыр, җепшек кар һәм көчле җил көтелә

Бүген, 30 октябрьдә, Татарстанда дымлы, болытлы һәм салкын һава саклана. Бу хакта ТР Гидрометеорология үзәге хәбәр итә.

Яңгыр һәм җепшек кар явуы көтелә (Казанда – башлыча яңгыр). Иртән юлларның аерым участокларында бозлавык барлыкка килергә мөмкин.

Тизлеге секундына 6-11 метр булган көньяктан исүче җил вакыт узу белән юнәлешен төньяк-көнбатышка үзгәртәчәк. Урыны белән аның тизлеге секундына 14 метрга кадәр көчәячәк (ТР башкаласында – 13 метрга кадәр).

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!