Татарстанда рәсми рәвештә фәнни һәм мәгариф оешмалары хезмәткәрләре өчен "Иң яхшы яшь галим" конкурсы Гран-при номинациясе кертелде. Бу хакта карарны республиканың премьер-министры Алексей Песошин 2025 елның 30 декабрендә имзалады.
Премияне ел саен өч җиңүчегә тапшырачаклар. Акчалата бүләкләү беренче урын өчен 500 мең сум тәшкил итәчәк, 350 мең - икенче һәм 250 мең - өченче урын өчен.
Документ нигезендә, премиягә фәнни яисә мәгариф учреждениеләрендә кимендә биш ел эш стажы булган фәннәр кандидатлары һәм докторлары дәгъва итә ала. Кандидатларның яше 35 яшьтән артмаска, ә фәннәр докторлары - 40 яшьтән артмаска тиеш.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез