Үзәк банк озак вакытка салынган акча буенча иминият суммасын ике тапкыр арттырырга җыена

Үзәк банк кредит оешмасына озак срокка салынган акчалар буенча иминият суммасын ике тапкыр арттырырга ниятли. Максаты – банкларга клиентларны күбрәк җәлеп итү. Үзәк банк рәисе урынбасары Ольга Полякова “Интерфакс” агентлыгы хәбәрчесе белән әңгәмәсендә шул хакта сөйләп үткән.

“Шул рәвешле банкларга акча салучыларны арттырырга ниятлибез. Хәзерге вакытта 3-5 елдан күбрәк вакытка салынган акча буенча иминият суммасын 2,8 миллион сумга җиткерү мәсьәләсе карала”, – дип белдергән ул.

Полякова билгеләп үткәнчә, банклар мондый кертемнәр буенча Кертемнәрне иминиятләштерү фондына азрак акча җибәрәчәк, ә шул рәвешле янга калдырылган акчаны үзләренең кертемчеләренә тәкъдим итә алачак.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!