Әлеге сорауны без Татарстан Мәдәният министрлыгына юлладык һәм түбәндәге җавапны алдык.
– Районнарда Сабан туе көнен җирлекләр үзләре билгели. Пандемия сәбәпле, эре шәһәрләрдә, шул исәптән, Бөтенроссия шәһәр һәм авыл Сабан туйлары да булмый. Сабан туе авыл җирлекләрендә генә үткәрелә. Мәдәният министрлыгы Бөтенроссия Сабан туйларын координацияли, җирлек Сабан туйлары министрлыкка карамый. Димәк, андагы саклану чаралары өчен дә җавап бирә алмый.
