Газетага язылу

10 яшьлек малайны урлаган ир-ат федераль эзләүдә булган

Свердловск өлкәсендә 10 яшьлек малайны урлаган ир-ат федераль эзләүдә булган. Бу хакта Росгвардиянең «Макс» мессенджерындагы каналында хәбәр ителә.

Баланы Росгвардиянең СОБР махсус отряды хезмәткәрләре азат иткән. «Әсирне коткару барышында аны урлаган кеше юк ителде», — диелә ведомство хәбәрендә. Малайның гомеренә һәм сәламәтлегенә куркыныч янамый.

Тикшерү комитетына баланы урлау турында 21 ноябрь кичендә билгеле булган. Тикшерү мәгълүматларына караганда, ир-ат малайны ташландык йортта тоткан һәм аңа янаган.

Әлеге факт буенча алдан белә торып балигъ булмаган баланы урлау маддәсе нигезендә җинаять эше кузгатылган.

БЕЗНЕҢ МАКС КАНАЛЫНА ЯЗЫЛЫГЫЗ!

Көн хәбәре