Бүген Лениногорскида ЮХИДИ Лениногорск буенча элекке инспекторы Радик Бәдретдиновны кулга алу мәсьәләсе хәл ителәчәк. Моннан өч ай элегрәк аны эзләү игълан ителгән булган.
Ниһаять, качкын “гаишник” бу атнада тоткарланган. Аны балигъ булмаган кызны көчләүдә гаеплиләр.
Радик Бәдретдинов март аенда югалган. Тикшерүчеләр әйтүенчә, ЮХИДИ элекке хезмәткәре моңа кадәр бер ай элегрәк социаль челтәрдә 16 яшьлек бер кыз белән танышып, кызны беренче тапкыр очрашканда ук үз автомобилендә көчләгән. Тикшерү башлангач, качкан.
Аны үзенең туып үскән Лениногорск районында эзләп тапканнар.
