Чаллыда Чулман елгасында боз астына төшеп киткән балыкчыны эзлиләр, дип хәбәр итә Россия Гадәттән тыш хәлләр министрлыгының Татарстан буенча баш идарәсе матбугат хезмәте..
Бүген 11:42 сәгатьтә Чулман елгасында пристань тирәсендә, ярдан 500 метр ераклыкта бер балыкчының боз астына төшеп китүен хәбәр иткәннәр. Ир-ат кулларын болгаган, әмма берникадәр вакыттан соң юкка чыккан.
Урынга 6 нчы эзләү-коткару отряды коткаручылары һәм кече суднолар буенча дәүләт инспекциясе хезмәткәрләре килгән. Балыкчы чоңгылга эләккән һәм баткан булырга мөмкин дип фаразлана.
Хәзер ир-атны эзләүгә водолазлар эзерләнә.
