Бүген Татарстанда яңадан яшенле яңгыр һәм көчле җил көтелә. Бу хакта Татарстан Гидрометеорология үзәге кисәтә.
Һава торышы төнге һәм көндезге сәгатьләрдә бозылыр дип көтелә. Синоптиклар мәгълүматларына караганда, җилнең тизлеге секундына 15-20 метрга җитәргә мөмкин, урыны белән боз явуы ихтимал.
Төнлә һава температурасы 15-20 градус, көндез 24-29 градустан да артмас дип фаразлана.
