Татарстан Президенты матбугат хезмәте җитәкчесе Лилия Галимова быел Корбан бәйрәме ничек узачагы турында журналистлар белән брифинг вакытында сөйләде. Ул аңлатканча, оештыручылар башта чараны үткәрү турында гариза бирергә һәм аның кайда – ачык һавада яисә бинада узачагы турында күрсәтергә тиеш.
– Оештыручылардан гариза киләчәк, оператив штаб аны караячак, хәзер тәртип шундый. Ачык һавада узачак чарада да битлек киеп йөрү кирәк.
Билгеле булганча, Корбан бәйрәме быел 20 июльгә туры килә. Башкалада иртәнге намаз 02:30 сәгатькә билгеләнгән. Казанда 16 корбан чалу урыны эшләячәк.
