Социаль челтәрләрдә пенсионерларга –15, балаларга 10ар мең сум акча бирелә дигән хәбәр таралды.
Моңа ачыклык кертүне сорап укучыларыбыз шалтыратты.
Россия Пенсия фондының Татарстан бүлеге идарәсе матбугат үзәге җитәкчесе Альбина Никандрова моның ялган хәбәр булуын әйтте.
– Әлеге хәбәрләр дөреслеккә туры килми. Балаларга да, пенсионерларга да бернинди акчалар бирелми. Яңа түләүләр булса, алар хакында Россия Пенсия фондының Татарстан бүлеге идарәсенең рәсми сайтында, социаль челтәрдәге битләрендә хәбәр ителә, — диде ул.
