Бүген төнлә җырчы Нурислам вафат булган. Нурисламның үлеме хакында аның якын кешесе хәбәр итте. Ул аның югары кан басымы белән интегүен җиткерде.
50 яшен тутырып сәхнәгә чыккан кеше ул, Нурислам. Гомере буе физкультура дәресләрен укытты. Күпләр аны Казан Дәүләт Ветеринария медицинасы академиясе укытучысы буларак та белә. Соңгы арада җырчы Чулпан Әхмәтҗанова белән бергә дуэт та башкарган иделәр. Нурислам “ВТ” уздырган хәйрия чараларында да бик теләп катнашты. Аның җырлары гел сагыш белән тулы иде. Язмышы шул җырларга охшаган. Нурисламның урыны оҗмахта булсын!
