Сочида ике машина Кара диңгез төбенә киткән. Бу хакта “112” телеграм-каналы хәбәр итә. Җиде кешенең язмышы билгесез.
Фаҗиганең сәбәбе – Лазаревское районында көчле яңгырлар. Табигать казасы 50гә якын шәхси йортны су эчендә калдырган.
Коткаручылар һәм районның полиция бүлеге хезмәткәрләре диңгез суына агып китүчеләрне көне-төне эзли.
Исегезгә төшерәбез: узган җәйдә Кубаньда көчле яңгырлар аркасында 1,6 меңнән артыграк йортны су баскан, 108 мең кеше утсыз калган иде. Ул чагында 14 муниципалитетта гадәттән тыш хәл кертелде.
