Татарстанда шушы араларда һава торышының кискен начараюы көтелү сәбәпле синоптиклар кисәтү игълан итте.
Республика Гидрометеүзәгеннән хәбәр ителгәнчә, бүген көннең икенче яртысында һәм кичен Казанда яшен, секундына 15-20 метр, кайбер урыннарда – 24 метрга кадәр тизлектә көчле җил көтелә. Урыны белән көчле яңгыр, боз явачак.
Шул ук вакытта эсселек саклана. Көндез Казанда +31, тулаем Татарстан буенча +32 градуска кадәр.
