Россия Мәгърифәт министрлыгы, Мәдәният министрлыгы белән берлектә, Бөтенроссия хор һәм вокаль коллективлар бәйгесен үткәрә. Максаты – балалар арасында хор хәрәкәтен үстерү, вокаль-хор белән җырлау культурасын үстерү.
Бәйге номинацияләре:
– “Яшьлек җырлары” мәктәп хоры. Номинациядә барлык төрдәге хор коллективлары (катнаш хор, малайлар хоры, кызлары хоры) катнашырга мөмкин. Хорда катнашучылар яше – 7дән18 яшькә кадәр.
– “Мин, әни, әти, әби һәм бабай: яраткан җыр: буыннар элемтәсе”. Мәктәпләрнең укучылар коллективлары һәм аларның гаиләләре әгъзалары өчен. Яше чикләнелмәгән. Катнашучылар саны, музыка коралларында уйнаучылардан тыш, 3 һәм аннан күбрәк кеше тәшкил итә.
– “Музыкаль калейдоскоп” вокаль коллективы. Номинациядә төрле жанр һәм стильдә җырлаучы мәктәп укучылары катнашырга мөмкин. Катнашучыларның яше – 7дән18 яшькә кадәр.
Җиңүче финал этабы нәтиҗәләре буенча һәр номинациядә сайланачак. Бәйне турында тәфсиллерәк мәгълүматлар белән Россия Мәгърифәт министрлыгы сайтында (https://edu.gov.ru/) танышырга мөмкин.
